Каля 20 чалавек былі затрыманы АМАПам падчас маўклівага пратэсту прыхільнікаў Ул. Цапкалы і В. Бабарыкі, якія не былі зарэгістраваны па надуманых прычынах кандыдатамі ў прэзідэнты. Некалькі соцень людзей (пераважна маладзёны) сабраліся ля цырка. Амаль адразу пачаліся затрыманні ўдзельнікаў АМАПам. Сярод іх былі затрыманы тры журналісты сайта “Моцныя навіны” (Надзея Пужынская, Марына Драбышэўская, Юрый Глушакоў). У дачыненні да ўдзельнікаў у АУСе Цэнтральнага раёну складзены пратаколы аб адміністратыўным правапарушэнні паводле арт. 23.34 (удзел у несанкцыянаваным масавым мерапрыемстве). Карэспандэнтка сайта “Гомельская вясна” назірала за падзеямі і размаўляла з удзельнікамі мірных пратэстаў. Аўтар Ларыса Шчыракова Фота і відэа аўтара Гомельская вясна