13 чэрвеня ў вадамерным калодзежы Дзямʼян Лепясевіч выявіў парушэнні і папрасіў інспектара стройнагляду Пятра Патрубейкі скласці акт. Але ён, спаслаўшыся на спешку сышоў. Водаканал нашы званкі праігнараваў і вось нарэшце, сёння, праз 2 сутак, па заяве грамадзянина З. Бекалюка аналіз пробаў зрабіла лабараторыя водаканала на самым сучасным абсталяванні. Прыбор паказаў 11.92 Каментуе Дзямʼян Лепясевіч: Такое значэнне рН паказвае, што тое, што мы 13. 06 вымяралі лакмусавай паперкай – пацвердзілася, і ў калодзежы назапасілася практычна жывая шчолач (значэння вышэй 14.0 не бывае ў прыродзе). Шчолачы там знаходзіцца каля 3-5 тон па нашых думках. Мы лічым, і мы ўпэўненыя, што шчолач у калодзежы з расходамера і двума засаўкамі назапасілася за час правядзення пусканаладачных работ з-за няшчыльнасці ў фланцавых злучэннях. Таксама такі паказчык сведчыць аб тым, што ў гаспадарча – збытавую каналізацыю доўгі час паступала шчолач, якая прасочвалася праз няшчыльнасці і назапашвалася ў дадзеным калодзежы. Гэта таксама сведчыць, што ні Мінпрыроды, ні водаканал ніякім чынам не кантралююць працу прадпрыемства. Намі неаднаразова былі зафіксаваныя ФАКТЫ залпавых скідаў у начны час. Дадзеныя факты з боку ўладаў на дадзены момант застаюцца без належнай увагі. Акрамя таго, учора была намі спыненая спроба перапампаваць змесціва дадзенага калодзежа ў ліўневую каналізацыю. Мы перадухілілі не толькі злачынства, але і траплянне гэтай шчолачы ў Мухавец – на пляжы гораду Брэста. Пытанне: што акрамя шчолачы скідвала па начах дадзенае прадпрыемства ў гаспадарчую каналізацыю? Чаму ўлады дагэтуль не хочуць разабрацца, што зліваюць у ліўневую каналізацыю?