З ініцыятывы прыхаджанаў касцёлу г. Жлобінf на вясковых могілках в. Чарцёж паўстаў помнік 81 сельчаніну, якія былі забіты напрыканцы 30 – х гадоў мінулага стагоддзя тагачаснай уладай. Усе яны былі т.зв. “ворагі народу” абвінавачанымі па сумнавядомаму арт. 58. Каля 150 вяскоўцаў - жыхароў Чарцежу, а таксама вернікі жлобінскага касцёлу сабраліся на могілках. Адкрыццё помніка пачалося з каталіцкай, урачыстай імшы, падчас якой ксёндз разважаў над прычынамі сталінскіх рэапрэсій і праводзіў паралелі з цяперашнімі рэпрэсіямі сілавікоў супраць мірных пратэстоўцаў. Адкрыццю помніка папярэднічала доўгая даследчыцкая праца. Ініцыятары расшукалі сваякоў рэпрэсаваных, сабралі дакументы аб рэабілітацыі (амаль усе былі рэабілітаваны яшчэ напрыканцы 50 – х гадоў). Сваімі сіламі зрабілі макет помніка і сабралі краўндфандынгам неабходную суму грошаў. На адкрыцці пабывала карэспандэнтка сайта “Гомельская вясна” Ларыса Шчыракова Фота і відэа Ларыса Шчыракова Гомельская вясна