Святлана Кароль: Усе людзі, хто на баку добра – прыстойныя людзі. Зараз толькі так – чорнае альбо белае (+відэа) У рубрыцы “Асобы пратэста” – сябра гомельскай Каардынацыйнай Рады – 60-гадовая гамяльчанка Святлана Кароль. Сп. Святлана – некалькі год узначальвала грамадскую арганізацыю “ВелаГомель”. З пачаткам выбарнай кампніі была заўважнай фігурай у паслявыбарных пратэстах супраць фальсіфікацыі выбараў і гвалту сілавікоў. Пасля выбараў яе неаднаразова затрымлівала міліцыя, складалі адміністратыўныя пратаколы па арт. 23.34, штрафавалі і нават да суду змяшчалі ў ізалятар. У вялікім інтэрв’ю сайту “Гомельская вясна” Святлага Кароль тлумачыць чаму была за ўдзел у выбарах, супраць байкоту, распавядае якім кандыдатам яна сімпатызавала і за каго галасавала, як і навошта ўдзельнічала ў дзейнасці Каардынацыйнай Рады, прыгадвае акалічнасці затрыманняў, судоў, штрафаў і адсідкі. Аўтар Ларыса Шчыракова Відэа Сяргей Лысенка Гомельская вясна