Судовыя выканаўцы 18 ліпеня арыштавалі частку маёмасьці Свабоднага прафсаюзу Беларускага з офіса першаснай арганізацыі працоўных заводу “Полацак-Шкловалакно”. Патрабаваньні да прафсаюзу выстаўленыя адміністрацыяй прадпрыемства і зьвязаныя зь вяртаньнем судовай пошліны за разгляд справы пра забарону страйку. Арыштаваная і забраная маёмасьць ацэненая ў 85 рублёў. Актывіст прафсаюзу СПБ Віктар Стукаў: “Я папярэдзіў судовых выканаўцаў, што яны парушаюць беларускае заканадаўства ў частцы нормаў міжнароднай дамовы Канвэнцыі №87, якое прадпісваецца дзяржаўным чыноўнікам ўстрымлівацца ад умяшаньня ў дзейнасьць прафсаюзу. Аднак гэтае папярэджаньне ня мела на судовых выканаўцаў ніякага ўплыву”.