Натальля Суслава: Людзі, узгадайце, якія вы былі шчаслівыя ў жніўні. Падумайце пра людзей, якія сядзяць у турмах і неяк задумайцеся У рубрыцы “Асобы пратэстаў” – былая выкладчыца кафедры рускай і сусветнай літаратуры ва ўніверсітэце імя Скарыны – Натальля Суслава. Сп.Натальля – актыўны ўдзельнік амаль усіх паслявыбарных маршаў ды акцый. За сваю грамадска-палітычную актыўнасць актывістка два разы атрымлівала суткі. Агулам пасля выбараў ёй давялося правесці ў ізалятары Гомля і Буда-Кашалёва 17 сутак. Пасля вяртання на працу, яна была змушана напісаць заяву аб звальненні па ўласным жаданні. Цяпер Натальля Суслава працуе карэспандэнтам у анлайн-выданні “Моцныя навіны”. У вялікім інтэрв’ю сайту “Гомельская вясна” сп. Натальля распавяла пра сваё стаўленне да прэзідэнцкіх выбараў, пра паслявыбарныя пратэсты 9-11 жніўня, маршы, затрыманні, суды ды арышты, выказала сваё стаўленне да сілавікоў, уцекачоў, узгадала акалічнасці свайго звальнення з універсітэту. Аўтар Ларыса Шчыракова Відэа Сяргей Лысенка Гомельская вясна