Дзяніс Чыкалёў: У турме ў мяне з’явілася шмат новых сяброў і не толькі “палітычных” (+відэа) 22 сакавіка суд пакараў гамельчука, 34-гадовага Дзяніса Чыкалёва 3 гадамі “хіміі” за “удзел у дзеяннях, якія груба парушаюць грамадскі парадак”. Маладзён правёў пад вартай 7 месяцаў. Падчас выбарнай кампаніі Дзяніс быў валанцёрам Аб’яднанага штабу. 9 жніўня ён знаходзіўся ў эпіцэнтры мірных пратэстаў. Але з боку сілавікоў яны не былі мірныя бо супраць пратэстоўцаў выкарыстоўвалі гумовыя кулі і светлашумавыя гранаты. Дзяніс знаходзіўся ля Стэлы і дапамагаў параненым. На наступны дзень яго затрымалі і абвінавацілі ў “арганізацыі масавых беспарадкаў”. Дзяніс падчас следства віну не прызнаў. Следчыя перакваліфікавалі ягоныя дзеянні на больш мягкі артыкул “удзел у дзеяннях, якія груба парушаюць грамадскі парадак”. Пасля абвяшчэння выраку Дзяніса адпусілі з залі суду пад падпіску аб нявыяздзе. Цяпер ён чакае разгляду яго апеляцыі. У інтэрв’ю сайту “Гомельская вясна” Дзяніс Чыкалёў распавёў што рабіў падчас пратэстаў, пра затрыманне і знаходжанне ў турме на Валадарцы ў Менску. Аўтар Ларыса Шчыракова Фота і відэа аўтара Гомельская вясна