Ужо амаль год як у Беларусі не сціхаюць палітычныя рэпрэсіі супраць апанентаў рэжыму Лукашэнкі: масавыя затрыманні (у тым ліку і прэвентыўныя) актывістаў, палітыкаў, журналістаў, допыты, суды, арышты і штрафы. Не сціхае ні на дзень і судовы, крымінальны канвеер над удзельнікамі пратэстаў супраць гвалту і фальсіфікацыіі выбараў. Ледзьве не штодня ў краіне ў розных гарадах праходзяць суды над палітзняволенымі (іх ужо 330 чалавек) палітычнымі зняволенымі. Агулам пасля выбараў у Беларусі былі ўзбуджаны каля 1 тыс. крымінальных спраў, звязаных з паслявыбарнай грамадска-палітычнай актыўнасцю грамадзянаў. 12 лютага ў Гомлі распачнецца суд на двума даверанымі асобамі Святланы Ціханоўскай падчас выбараў: Таццянай Канеўскай і Юрыем Уласавым, а таксама актывістамі КДЖ, сябрамі ініцыятыўнай групы кандыдаткі Дзмітрыем Івашковым і Аляксандрам Шабаліным. Вось ужо 9 месяцаў яны знаходзяцца пад вартай: спачатку ў турме на Валадарцы ў Менску, а цяпер у СІЗА № 3 у Гомлі. Іх вінавацяць ва “ўдзеле ў масавых беспарадках” і планах захопу адміністратыўных будынкаў. Мы спыталіся ў гамельчукоў – хто ці што на іх думку можа спыніць гэтую хвалю палітычных рэпрэсій у Беларусі. Аўтар Ларыса Шчыракова Фота мае ілюстратыўны характар Гомельская вясна Падпісвайцеся на наш Тэлеграм-канал: https://t.me/viasnaHomel