Жонка палітзняволенага Дзмітрыя Івашкова: Пасля арышту мужа, калі бачыла незнаёмы нумар, пачынала задыхацца (+відэа) 12 красавіка ў Гомлі (суд Чыгуначнага раёну) распачнецца працэс над былымі сябрамі ініцыятыўнай групы кандыдаткі Святланы Ціханоўскай: Юрыем Уласавым, Таццянай Канеўскай, Аляксандрам Шабаліным і Дзмітрыем Івашковым. Актывістаў вінавацяць ва ўдзеле ў т.зв. масавых беспарадках і планах захопу адміністратыўных будынкаў. Палітзняволеныя былі арыштаваны напярэдадні выбараў і ўсе апроч Дзмітрыя Івашкова, які месяц хаваўся ад арышту, з таго часу знаходзяцца пад вартай. Дзмітрыя Івашкова затрымалі 27 верасня ў Гомлі падчас Маршу пратэсту. Жонка Дзмітрыя 34-гадовая Святлана распавяла сайту “Гомельская вясна” пра затрыманні мужа, арышты, апісанне маёмасці сям’і судовымі выканаўцамі, свае панічныя атакі і дэпрэсію, перажыванні 10-гадовага сына Мікіты, ліставанне з мужам. Аўтар Ларыса Шчыракова Фота аўтара Гомельская вясна