У Чыгуначным судзе Гомля (суддзя Хлышчанкоў) судзяць давераных асобаў Святланы Ціханоўскай па Гомельскай вобласці: Юрыя Уласава, Дзмітрыя Івашкова, Таццяну Канеўскую, Аляксандра Шабаліна. Іх вінавацяць па 4-х артыкулах КК РБ: удзел у масавых беспарадках, абраза службовай асобы пры выкананні абавязкаў, захоп адміністратыўных будынкаў. Каля 30-40 чалавек - сваякі, журналісты і група падтрымкі мелі намер трапіць на песеджанне, але супрацоўнікі суду пусцілі толькі 4 сваякоў палітзняволеных, 6 пацярпелых (відаць сілавікі), некалькі супрацоўнікаў дзяржсмі і відаць некалькі пераапранутых міліцыянтаў. Сваякам не дазволілі знаходзіцца на працэсе з тэлефонам, яго трэба было здаць у камеру захоўвання. У фае мідіцыянты забаранілі рабіць фота-відэа здымкі, усіх прапускалі праз металадэтэктарную рамку.