45-гадовага праграміста Стаса Мачалава затрымалі супрацоўнікі АУСу Савецкага раёну напярэдадні Дня Волі. Калі ён вяртаўся з рынку з пакупкамі да яго падыйшлі людзі ў цывільным аддзенні і загадалі сесці ў іх машыну. Прывезлі ў пастарунак і склалі пратакол за тое, што ён нібыта каля свайго пад’езду махаў рукамі, лаяўся матам і непадпарадкоўваўся міліцыянтам. У яго кватэры, дзе ён жыве з бацькамі, адбыўся ператрус (ужо трэці за апошнія тры месяцы). На наступны дзень суддзя суду Савецкага раёну Мохараў пакараў яго 15 суткамі арышту. Палову тэрміну Станіслаў правёў як і іншыя арыштаваныя, а з 31 сакавіа да яго сталі ўжываць адмысловы жорсткі рэжым утрымання. Пра акалічнасці сваёй справы і новаўводзіны для “палітычных” сядзельцаў Станіслаў Мачалаў распавёў сайту “Гомельская вясна”. Аўтар Ларыса Шчыракова Фота і відэа аўтара Гомельская вясна