“Поўнае бязмежжа, ніякага закону”: У Гомлі асудзілі 4-х давераных асобаў Ціханоўскай Суддзя Чыгуначнага суду Гомля Хлышчанкоў пакараў Юрыя Уласава – 6.5 гадамі калоніі ўзмоцненага рэжыму, Таццяну Канеўскую – 6 гадамі калоніі агульнага рэжыму і Аляксандра Шабаліна, Дзмітрыя Івашкова – 6 гадамі калоніі ўзмоцненага рэжыму. Іх абвінавацілі ў нібыта “падрыхтоўцы масавых беспарадкаў” і планах захопу 13 адміністратыўных будынкаў у Гомлі (аблвыканкаму, усіх раённых адміністрацый і АУСаў). Усе асуджаныя (апроч Івашкова) былі затрыманы да выбараў і змешчаны ў турму на Валадарцы ў Менску. Перад судом іх этапавалі ў гомельскае СІЗА. 12 красавіка ў Гомлі распачаўся суд, які па сутнасці, быў закрытым, бо трапіць туды здолелі толькі блізкія сваякі абвінавачаных і супрацоўнікі дзяржСМІ. Адмыслова каб не даць магчымасці трапіць на суд ахвотным, была ўведзена антыкавідная рассадка, запрашаліся студэнты-стажоры, альбо пераапранутыя міліцыянты. Не гледзячы на тое, што ў абвінавачанні гучалі словы пра планы давераных асобаў кандыдаткі Ціханоўскай здзейсніць пагромы, падпалы і вярбоўку былых вайскоўцаў і міліцыянтаў, у судзе быў прадэманстраваны адзіны доказ вінаватасці асуджаных – гадзінны відэазапіс (зроблены таемна, схаваная камерай) размовы Ціханоўскай са сваімі даверанымі асобамі 5 жніўня. Усе асуджаныя казалі, што гэтая размова была змантавана следчымі на карысць абвінавачання. Мы запыталіся праваабаронцаў і сваякоў асуджаных як яны ацэньваюць сёняшні прысуд. Аўтар Ларыса Шчыракова Фота аўтара Гомельская вясна Падпісвайцеся на наш Тэлеграм-канал: https://t.me/viasnaHomel