29-гадовую гамяльчанку Аліну Бірукову супрацоўнікі ГУБАЗіК па падазрэнні ў здзяйсненні злачынства змясцілі ў ізалятар часовага ўтрымання на 72 гадзіны. Падчас допыту ёй паказалі фотаздымак з Маршу пратэсту 20 верасня 2020 году, дзе насупраць АМАпу стаіць счэпка з пратэстоўцаў. Сярод іх маладая жанчына. Следчыя настойвалі, што на фотаздымку Аліну Бірукова і пераконвалі прызнацца ў гэтым. У чым яны падазравалі маладую жанчыну на фотаздымку яны не паведамілі. Падчас знаходжання ў ІЧУ гамяльчанку зноў дапрошвалі (пры чым выкарыстоўвалі псіхалагічны ціск і пагрозы), а ўмовы ўтрымання былі вельмі жорсткімі ў параўнанні з астатнімі сядзельцамі. Падрабязнасці справы ў інтэрв’ю Аліны Біруковай сайту «Гомельская вясна» Аўтар Ларыса Шчыракова Фота і відэа аўтара Гомельская вясна