#Беларусь #Лукашэнка #выбары2019 21 кастрычніка Брэсцкая абласная камісія адмяніла рашэнне камісіі Брэсцкай-Усходняй выбарчай акругі №3 аб рэгістрацыі кандытатам студэнта Варшаўскага Універсітэту Уладзіслава Сыса, вылучанага Беларускай сацыял-дэмакратычнай Гамадой. Уладзіслаў выпадкова даведаўся аб рашэнні абласной камісіі. Паводле атрыманага рашэння ён звярнуўся са скаргай у Брэсцкі абласны суд. Берасцейскія праваабаронцы дапамаглі скласці скаргу. У судзе выявілась, што члены камісіі мала знаёмыя з выбарчым кодэксам і не дачыталі арт70-1 Выбарчага кодэкса (ВК) да канца на які спасылалісь ў сваім рашэнні, бо абскарджваць рашэнне абласной камісіі паводле арт. 70-1 трэба ў Цэнтральнай Выбарчай Камісіі (ЦВК). Таму Брэсцкі абласны суд перанакіраваў скаргу ў адпаведнасці з ч.7 арт.70-1 ВК Уладзіслаў Сыса перакананы, што ягонае права нарушана, а рашэнне аб адмене рашэння акруговай камісіі аб рэгістрацыі кандыдатам незаконнае, а падстава для адмены рэгістрацыі надуманая. Ён стала пражывае ў Беларусі, а выезд на вучобу не пазбаўляе яго права ўдзелу ў выбарах і спасылаецца на Рашэнне Канстытуцыйнага Суда ад15.06.201 за № Р-120/2001, дзе выезд у службовае падарожжа або вучобу, гэта часовы выезд. У выпадку пазбаўленняяго права удзельнічаць ў выбарах ён мае намер дайсці да камітэта ААН, бо арт. 25 Пакта аб грамадзянскіх і палітычных правах гарантуе яму права без якой бы та ні была дыскрымінацыі і безпадстаўных абмежаванняў мець права галасаваць і быць абраным на сапраўдных, перыядычных выбарах, якія праводзяццак на падставе ўсеагульнага і роўнага выбарчага права пры таемным галасаванні і якія забяспечваюць свабоднае волевыяўленне выбаршчыкаў.