Вайна. Санкцыі. Контррэвалюцыя. Усё гэта сказываецца на простых людзях, для якіх праблемай нумар адзін з’яўляецца пытанне: “Як выжыць у крызіс?” Па Канстытуцыі, Рэспубліка Беларусь – сацыяльная дзяржава. Улада дэкларуе, што праводзіць сацыяльна-арыентаваную палітыку і прымае сацыяльна-арыентаваны бюджэт. Пражытковы мінімум – гэта грашовая мера, якой Міністэрства працы і сацыяльнай абароны вызначае мінімальны набор прадуктаў харчавання і нехарчовыя тавары і паслугі для захавання здароўя чалавека і забеспячэння яго жыццядзейнасці. З 1 лістапада 2022 г. бюджэт пражытковага мінімума складае 339 рублёў 83 капейкі на чалавека. У пераліку гэта 138 еўра. Да прыкладу ў Германіі пражытковы мінімум на дарослага складае 1240 еўра, у Бельгіі - 1030 еўра, а ў Грэцыі – 360 еўра. Пры гэтым кошты на прадукты ў пералічаных краінах суразмерныя з коштамі ў Беларусі. Мінімальны пражытковы бюджэт у Беларусі дзеліцца на харчовыя і нехарчовыя тавары. Нехарчовыя тавары складаюць 83% ад харчовага кошыка. Атрымліваецца, што на ежу ў месяц чалавек можа патраціць 185 рублёў. Беларуская сацыял-дэмакратычная партыя (Грамада) прапануе антыкрызіснае меню “Як выжыць у крызіс?” Гэта набор страваў, якія можна спажываць на сняданак, абед і вячэру з улікам актуальных беларускіх коштаў, сыходзячы з бюджэту харчовай часткі пражытковага мінімума на аднаго чалавека ў памеры 185 рублёў. Меню цягам месяца будзе друкавацца на сайце bsdp.org і партыйных сацыяльных сетках. Напрыканцы вы зробіце выснову, ці можна на бюджэт пражытковага мінімума пракарміцца аднаму чалавеку у Беларусі, захоўваючы сваё здароўе альбо не. Наша мэта – “Выжыць у крызіс!” Далучайцеся! bsdp.org #bsdp