Прэс-сакратар НАУ, член КР Арцём Брухан у інтэрв'ю каналу @belsat_news. Ці існуе «канфлікт інтарэсаў» у тым, каб прадстаўнік Аб'яднанага Пераходнага Кабінета быў сябрам Каардынацыйнай Рады — упаўнаважанай заслухоўваць справаздачы прадстаўнікоў Кабінета? Звернемся да прыкладу еўрапейскіх парламенцкіх рэспублік. Большасць іх міністраў, якія прадстаўляюць выканаўчую ўладу, — таксама члены парламента, органа заканадаўчай улады. Як і іншыя дэпутаты, яны выступаюць на паседжаннях і галасуюць па ключавых пытаннях краіны. Нікому не прыходзіць у галаву сказаць, што яны «самі сябе заслухоўваюць», у гэтым не бачыцца «канфлікт інтарэсаў». Калі такая практыка існуе ў большасці еўрапейскіх дэмакратый, на якія мы арыентуемся, чаму ёй няма месца ў нашай канфігурацыі? Тым больш, што адзіным прыкладам еўрапейскай дзяржавы, дзе міністр ніколі не з'яўляўся членам парламента, — лукашэнкаўская Беларусь. Каардынацыйная Рада, нават рэфармаваная, — не парламент у прамым сэнсе слова. Гэта платформа для дыскусій і абмеркавання ключавых пытанняў дэмакратычнага руху. Але сябры КР могуць і павінны даносіць пазіцыі сваіх структур, якія іх дэлегавалі. Гэта важна ў тым ліку для таго, каб падтрымліваць кантакт з людзьмі ў структурах, якія яшчэ знаходзяцца ў Беларусі. Калі ў вас ёсць магчымасць і жаданне падтрымаць працу каманды НАУ: https://bit.ly/38KA2y0 Нашы сацыяльныя сеткі: Telegram: https://bit.ly/36ezaQK Instagram: https://bit.ly/3InJdAj YouTube: https://bit.ly/3wjLOZE Twitter: https://bit.ly/3CRbU7i Facebook: https://bit.ly/3igwXab Сайт: https://bit.ly/36tSglZ TikTok: https://bit.ly/3UoB8B2 #беларусь #лукашэнка #белсат Ці можа прадстаўнік Пераходнага Кабінета адначасова быць сябрам і Каардынацыйнай Рады?