Як год расійска-украінская вайны паўплываў на эканоміку Беларусі? 24 лютага 2022 года Расія напала на Украіну. Сваё ўварванне яна назвала спецыяльнай ваеннай аперацыяй з мэтамі дэмілітарызацыі, дэнацыфікацыі і абароны жыхароў Данбаса. Тэрыторыя Беларусі была выкарыстана як плацдарм для наступу на Кіеў. Дагэтуль Беларусь ускосна ўцягнута ў вайну праз прадастаўленне сваёй інфраструктуры Расіі. За год вайны Беларусь зазнала эканамічныя санкцыі. Праз іх валавы ўнутраны прадукт у 2022 годзе скараціўся на 4.7%. З краіны выехала каля 200 тыс. грамадзян. Дзясяткі міжнародных кампаній зачынілі свае філіялы. Гадавая інфляцыя дасягнула амаль 13%. Многія тавары зніклі з беларускіх прылаўкаў, астнія - падаражэлі. Гандаль з Украінай упаў амаль да нуля, а з краінамі Еўрасаюза скараціўся на 60%. Беларусь апынулася ў лагістычнай блакадзе і не можа адпраўляць свае грузы праз Літоўскія і Латышскія парты. Беларусь здзяйсніла тэхнічны дэфолт па “еўрабондах”. У Беларусь з Еўропы немагчыма даляцець самалётам, а беларускія спартоўцы вымушаны выступаць пад нейтральным сцягам. Аднак ці дасягнуты мэты Расіі ў спецыяльнай ваеннай аперацыі ва Украіне? Беларуская сацыял-дэмакратычная партыя (Грамада) лічыць, што не. Пра гэта сведчыць стварэнне антыпуцінскай кааліцыі ў якую ўвайшлі 50 краін свету і якія дапамагаюць Украіне падрыхтоўкай салдат і пастаўкамі сучаснага ўзбраення. Швецыя і Фінляндыя падалі заяўкі на ўступленне ў НАТА. На баку Украіны ваюе беларускі полк імя Кастуся Каліноўскага. Ва Украіне свой жыццёвы шлях завяршылі больш за 130 тысяч расійскіх салдат, 10 тысяч танкаў і бронемашын сталі металаломам, каля 300 самалётаў і столькі ж гелікоптэраў ужо ніколі не ўзляцяць у паветра. Еўрапарламент прагаласаваў за трыбунал над Пуціным і Лукашэнка, а гэта ўжо нагадвае Нюрнбергскі працэс пасля Другой сусветнай вайны. Мы кажам: “Не вайне!” Час спыніцца! Думай пра гэта! #bsdp