Юрыст НАУ Арцём Праскаловіч распавёў пра прычыны ліквідавання незалежных прафсаюзаў у Беларусі падчас інтэрв'ю @MalankaLive. Незалежныя прафсаюзы былі адным з інструментаў, якія паказваюць маштабы народнага пратэсту. Рэжым, у сваю чаргу, хоча не дапусціць прысутнасць даступных метадаў барацьбы з ім, а таму зараз, праз два гады пасля пачатку маштабных пратэстаў у Беларусі, ён працягвае свой план па задушэнні галасоў беларусаў. Рэжыму вядома, што рабочыя трымаюць значную долю эканомікі на сабе і сваімі супольнымі пратэстамі могуць дамагчыся скідання рэжыму ў вельмі кароткія тэрміны. Цяпер, калі незалежныя прафсаюзы зачыненыя, рабочыя павінны разлічваць на свой уласны калектыў. Да СМІ не заўсёды даходзяць пазітыўныя прыклады таго, як дзесяткі калег, сабраўшыся ў адзінстве, дамагаюцца бескампраміснай перамогі ў абароне сваіх праў. Мізэрныя зарплаты, нялюдскія ўмовы працы — усё гэта мусіць падштурхнуць людзей да таго, каб трымацца адзін за другога і заваёўваць маленькія перамогі крок за крокам. Праўладныя прафсаюзы, якія дагэтуль праводзяць сваю дзейнасць, зразумела, не будуць дапамагаць у пытаннях, задакументаваных не ў поўнай меры. Таму спадзявацца трэба на сябе і сваё адзінства, а пра кожны поспех апавядаць блізкім, падтрымлівая станоўчы настрой. #беларусь #лукашеко #репрессии Чаму ў Беларусі ліквідуюць незалежныя прафсаюзы?