Уладзімір Астапенка ў інтэрв'ю каналу «БЕЛСАТ LIFE» распавядае пра адкрыццё Прадстаўніцтва дэмакратычнай Беларусі ў Бруселі. Гэта структура, якая прэзентуе інтарэсы ўсіх дэмакратычных сілаў Беларусі. Мэта прадстаўніцтва - актывізаваць адносіны з Еўрапейскім саюзам і распрацаваць стратэгічныя праграмы ўзаемадзеяння ў будучыні. Дзверы прадстаўніцтва адчыненыя для разнастайных беларускіх ініцыятыў, і тут ужо адбыўся шэраг мерапрыемстваў беларускіх палітычных партыяў і беларускай дыяспары. Еўрапейскія палітыкі разумеюць, што ім патрэбная дэмакратычная Беларусь.