Пенсійная рэформа – гэта неабходнасць, якая выспела ў нашым грамадстве. З моманту распаду Савецкага саюзу фундаментальна нічога не менялася. Беларусь выкарыстоўвала салідарную мадэль пенсій, якая перайшла да нас як спадчына СССР. Яна добра працуе тады, калі ў краіне добрая нараджальнасць і становіцца зусім непрыдатнай, калі нараджальнасць моцна зніжаецца. Гэта акурат беларускі выпадак, калі цяперашнія працуючыя не ўстане даць годную пенсію амаль 2,5 млн. нашых пенсіянераў. Беларуская сацыял-дэмакратычная партыя (Грамада) мае свае напрацоўкі і гатовая іх рэалізаваць у выпадку прыходу да ўлады. #bsdp