Вольга Карач у ток-шоу Форум, Белсат ТВ. На фоне таго, што адбываецца ў Кіеве, беларусы не могуць не задумвацца, які лёс напаткае іхную краіну. І хаця аўтарытарны кіраўнік Беларусі заявіў: «Майданаў у нас не будзе!», ніхто не мае сумневу, што перадумовы для гэтага ёсць. Пераканаўчыя дакументальныя матэрыялы, назапашаныя творчаю групаю «Форуму» цягам апошніх гадоў, паказваюць: унутрыпалітычнае становішча ў нашай краіне радыкалізуецца -- улада ўсё больш шалее і адчувае сваю беспакаранасць, а колькасць простых людзей, што пацярпелі ад яе, няўмольна расце. Аднак на гэтым аналогіі з украінскаю сітуацыяй канчаюцца. Галоўныя пытанні дыскусіі -- якое спалучэнне аб'ектыўных і суб'ектыўных фактараў прыводзіць да рэвалюцыяў ды як адкажуць беларусы на выклік часу? Гэтак жа, як украінцы, ці неяк інакш?