Павел Латушка і каманда НАУ далучаюцца да Дзён беларускай культуры. У гэтым годзе культурныя актыўнасці ў межах Дзён беларускай культуры, якія стартуюць у ліпені, будуць працягвацца некалькі тыдняў, без фінальнай даты. Далучыцца да Дзён беларускай культуры можа кожны! Можна зладзіць беларускую вечарыну, ускласці кветкі да помнікаў беларускім дзеячам культуры, наведаць месцы пахавання знакамітых беларусаў, спяваць беларускія песні, святкаваць Купалле. Калі за мяжою, можна ўзняць сцяг над мэрыямі гарадоў, знакавымі мясцінамі ці проста вывесіць яго на акне вашай кватэры, запусціць феерверкі, намаляваць уласную папараць-кветку і загадаць галоўнае жаданне. Сёлетні ўклад Народнага антыкрызіснага ўпраўлення ў падтрымку беларускай культуры - адкрыццё новай культурна-адукацыйнай прасторы для беларускіх творцаў у Варшаве. Прэзентацыя культурнай прасторы - Музей Вольнай Беларусі - адбудзецца 17 ліпеня 2022 года і пачнецца з выставы мастака Ігара Цішына «Дом, у якiм разлятаюцца стены. Памiж двума імгненнямі». Калі ў вас ёсць магчымасць і жаданне падтрымаць праект па стварэнні Музея Вольнай Беларусі і паспрыяць яго хутчэйшаму адкрыццю: https://belarus-nau.org/en/donate_museum #беларусь #латушко #культура