Аўтар фільма - Сяргей Ісакаў. Гэта першы фільм з шэрагу міні-фільмаў "Шэсць аргументаў супраць смяротнага пакарання". Аргумент першы -- магчымасць судовай памылка -- незваротнасць смяротнага пакарання. Судовую памылку ў выпадку смяротнага пакарання нельга выправіць, чалавека, пакаранага смерцю немагчыма вярнуць да жыцця. Увесну 2005 году ў вёсцы Вялікая Машчаніца на Магілёўшчыне было здзейснена забойства сям'і -- шэсць чалавек, двое з іх -- дзеці. Прэзідэнт узяў справу на асабісты кантроль. Міліцыя затрымала пяцерых аднавяскоўцаў забітых -- ад 18 да 24 гадоў. Усе затрыманыя прызналіся ў здзяйсненні злачынства. Пракурор палічыў віну даказанай і прасіў прысудзіць адных да расстрэлу, а іншых -- да пажыццёвага зняволення. Суд на падставе доказнай базы апраўдаў іх. Людзі засталіся жыць, стварылі сем'і, але засталіся ў іх наступствы ад катаванняў -- і ад фізічных, і ад маральных. Фільм зроблены ў межах кампаніі "Праваабаронцы супраць смяротнага пакарання".