Кіраўнік праваабарончага цэнтра «Вясна» Алесь Бяляцкі 22 ліпеня ў Мінску прэзентаваў сваю новую кнігу — эсэ «Іртутнае срэбра жыцця». У кнігу ўвайшлі эсэ, нататкі і ўспаміны Бяляцкага, напісаныя ў 2012—2013 гадах, калі праваабаронца адбываў пакаранне ў калоніі ў Бабруйску (Магілёўская вобласць). Кніга раздзелена на тры часткі: эсэ, лісты-ўспаміны аб сустрэчах з замежнымі калегамі, а таксама тэкст выступлення Бяляцкага з апошнім словам на судзе 23 лістапада 2011 года.