26 красавіка 1989 года ў Мінску адбылася першая масавая акцыя, прысвечаная наступствам Чарнобыльскай катастрофы. Тысячы людзей з розных беларускіх гарадоў у той дзень сабраліся на цэнтральнай плошчы сталіцы на маўклівую акцыю. Гарэлі знічы, адмерваў сімвалічныя хвіліны звон. Красавіцкі мітынг “Гадзіна смутку і маўчання” працягнуў вулічную актыўнасць дэмакратычных сілаў. У 1989 годзе тэма Чарнобыльскай катастрофы ў Беларусі прагучыць надзвычай востра і актуальна. Улады будуць змушаныя распачаць сур’ёзныя дзеянні па змяншэнні наступстваў ядзернай катастрофы. Анлайн-выстава фатографа Уладзіміра Сапагова, створаная ў выглядзе фільма супольнымі намаганнямі Праваабарончага цэнтра “Вясна” і Цэнтрам даследванняў грамадзянскай супольнасці Беларусі набывае надзвычайную актуальнасць і сімвалізм зараз, напярэдадні пуску Беларускай атамнай электрастанцыі ў Астраўцы, запланаваным на пачатак ліпеня. Сама ідэя пабудовы БелАЭС была неадназачна ўспрынята ў беларускім грамадстве, якое заплаціла “мірнаму атаму” надта вялікі кошт 30 год таму #Беларусь #Чернобыль #Чарнобыль