Праваабаронца "Вясны" Марыя Рабкова ўжо тры месяцы знаходзіцца ў СІЗА №1 у Мінску. Абвінавачваецца яна па частцы 3 артыкула 293 КК РБ (масавыя беспарадкі) і чакае суда. Цяпер стала вядома, што знаходжанне Марфы пад вартай падоўжанае да 17 студзеня 2021 года. Тым часам Марфу чакаюць яе муж Вадзім Жаромскі, валанцёры (Марфа каардынавала Валанцёрскую службу "Вясны"), а таксама многія беларускі і беларусы. Чакаюць яе і каты — Марфа сама была валанцёркай у каціныс прытулку, а праз краты вокнаў у СІЗА яна здолела разгледзець бяздомных катоў — і нават паспрабавала дапамагчы ім. Як Марфе сядзіцца ў СІЗА? Што вядома пра яе? Ці даходзяць лісты? У 16-м выпуску подкаста "Вясна прыйдзе" мы пачуем і голас Марфы - з тых інтэрв'ю, якія яна паспела даць да свайго зняволення. Гэта дапаможа нам пазнаёміцца бліжэй з тым, чым яна займалася ў межах сваёй праваабарончай дзейнасці — за што цяпер яе спрабуюць прыцягнуць да крымінальнай адказнасці. 🔹 Слухаць SoundCloud — https://soundcloud.com/user-761067396/16-golos-marfy-vypusk-posvyashchen-pravozashchitnitse-vesny-i-politzaklyuchennoy-marii-rabkovoy 🔹 На сайце «Вясны» — https://spring96.org/be/news/101100 Вядучая, рэдактар, мантаж — Кацярына А. Музыка – tochka k (Яўген Кучмейна) #ВяснаПрыйдзе #Вясна #Падкаст #ПравыЧалавека #Беларусь2020