24 лютага 2022 года кіяўлянін Яўген прачнуўся ў горадзе, які бамбілі. А Руслан хвалюецца менш за іншых: ён свой дом страціў яшчэ ў 2014 годзе, у Данецку. І стаў “унутрана перамешчанай асобай”. “У нас вайна ідзе ўжо восьмы год”, — так часта гаварылі украінцы. Тэрыторыя ОРДЛО (Отдельные районы Донецкой и Луганской областей) часова акупавана Расіяй, але гэтая акупацыя “неафіцыйная”. Што прыводзіць да сітуацыі, калі за парушэнне правоў чалавека там няма каму адказаць. “У Луганскай вобласці я пакінула сваю хату, а цяпер у мяне хочуць адабраць і маю краіну”, — кажа жанчына, якая ўцякла ад ваенных дзеянняў у 2014-м годзе і прыйшла на антываенны мітынг 24 лютага 2022 года — у дзень, калі Расія адкрыта напала на Украіну. У падкасце гаворым пра правы чалавека ў вайне і на вайне. Пра антываенныя мітынгі, якія ў адных краінах праходзяць свабодна, а ў іншых (дзвюх) за іх затрымліваюць, бо гэта “парушэнне”. Парадаксальна (ці не?), свабоды мірных сходаў няма менавіта ў тых краінах, адкуль ідзе наступ на Украіну. І ў якіх граміцца грамадзянская супольнасць дзеля таго, каб на дзеянні дзяржавы ніхто не мог паўплываць. Дэзертырства ці крымінальная адказнасць? Вялікая імперыя ці савецкая акупацыя? Што тут трэба ведаць беларусам і на што звярнуць увагу? Слухаем! Тайм-коды: 00:00 Пра што выпуск 01:13 24 лютага 2022 года Расія напала на Украіну. Кіеўлянін Яўген прачнуўся пад абстрэламі 3:10 Руслан у Кіеве не хвалюецца. Ён ужо страчваў сваю кватэру ў Данецку пасля 2014 года 4:20 “У нас вайна ужо 8 гадоў” – сітуацыя з ОРДЛО і “неафіцыйная” акупацыя 6:23 ДНР, ЛНР і небяспечнасць акупацыі, за якую ніхто не бярэ адказнасць: падвалы 12:01 Напад Расіі на Украіну ў 2022-м годзе 24 лютага. “Гэта вайна застанецца ганебнай старонкай у расійскай гісторыі”. Права вайны і права ў вайне: хто з бакоў тут парушае? 15:36 Дэзерцірства: крымінальная адказнасць ці невыкананне незаконнага загаду? 19:14 Ці выражае вайна волю свайго народа? Разгром грамадзянскай супольнасці і апазіцыі ў Расіі 21:36 Антываенныя мітынгі ў Расіі і Беларусі як “правапарушэнні” 23:18 Адрозненне: антываенны мітынг у дэмакратычнай краіне. Што кажуць літоўцы? 24:54 Савецкая акупацыя? 25:44 “Пуцін адчувае сябе збіральнікам савецкіх земляў” 26:42 “Я Украіну падтрымліваю з 2014-га года—а пачалося ўсё гэта менавіта тады” 27:45 “З-за дапамогаю Пуціна ў Луганскай вобласці ў 2014-м мы пакінулі нашу хату… Цяпер у мяне хочуць адабраць маю краіну” 29:57 “Тое, што адбываецца зараз – гэта добры вучэбны матэрыял па тэмам, што такое агрэсіўная вайна і суверэнітэт” 32:08 Беларусь ужо акупавана? 33:17 Права на мір без вайны і яго парушэнне. Ізноў падвалы—у якіх людзі хаваюцца ад абстрэлаў 34:54 Беларусы спяваюць ля украінскай амбасады гімн Украіны Вядучая, рэдактар, мантаж — Кацярына А. Музыка – tochka k 🔹Слухаем падкаст на розных пляцоўках — https://podcast.ru/e/6vzm~ffdsLh #ВяснаПрыйдзе #Вясна #Падкаст #Подкаст #Беларусь