26 красавіка ў Вільні адбыўся Чарнобыльскі шлях. Праваабаронца "Вясны" Дзіяна Пінчук падчас выступу адзначыла: “У 1996 годзе ўлады жорстка разагналі шматтысячны Чарнобыльскі шлях і затрымалі больш за 200 чалавек. Тады грамадскія актывісты аб'ядналіся, каб дапамагаць затрыманым і іх сем'ям. Так узнік Праваабарончы цэнтр «Вясна». Але цяпер за кратамі апынуліся тыя, хто абараняў правы чалавека ў Беларусі і рабілі ўсё, каб беларусы не заставаліся сам-насам з рэпрэсіўнай дзяржаўнай машынай”.