Гісторыі беларусаў, якіх затрымалі ў Расіі і выдалі Беларусі. Са студзеня 2021 года пачалі з’яўляцца гісторыі аб затрыманні беларусаў у Расіі па запыце беларускага боку. І спробах іх экстрадаваць на радзіму — каб потым прыцягнуць да крымінальнай адказнасці па палітычна-матываваных артыкулах (за ўдзел у пратэстах, “абразы” Лукашэнкі і вядзенне тэлеграм-чатаў). Дапамогай такім беларусам пачынаюць займацца праваабаронцы з “Маскоўскай хельсінкскай групы”. Сярод іх — кіраўнік праваабарончых праграм МХГ Раман Кісялеў. Нажаль, дапамагчы атрымалася не ўсім беларусам. Прычына розныя, адна з якіх — выхад Расіі з Савета Еўропы. У гэты выпуску падкаста і сабраны гісторыі беларусаў, якіх усё ж вывезлі ў Беларусь для суда (праз экстрадыцыю, выдварэнне і выкраданне)— пасля чаго на радзіме яны сталі палітычнымі зняволенымі. А Раман Кісялёў растлумачыў, якія складанасці былі ў праваабаронцаў у кожнай з гісторый і як паводзілі сябе расійскі і беларускі бакі. Таксама праваабаронца дасць парады пра тое, як беларусам варта сябе паводзіць у Расіі, каб знізіць рызыкі (адна з іх — мець кантакт МХГ і абавязкова звяртацца — e-mail: [email protected]) Тайм-коды: 1:21 Знаёмства з Раманам Кісялёвым, праваабаронцам МХГ. 5:01 ЭКСТРАДЫЦЫЯ. Кейс Міхаіла Зубкова: “Я стаміўся, я хачу да дому…” 7:25 Коратка,што такое 39-е правіла ЕСПЧ 8:20 Кейс Дзмітрыя Падлобнікава —“Мы пра яго ўвогуле не ведалі” 11:49 Як Расія хітрыла ў выкананні мераў ЕСПЧ? Кейс Аляксея Кудзіна 15:34 Расія выходзіць з Савета Еўропы. Кейс Яны Пінчук — “Мы ведалі, што ў нас будуць гіганцкія складанасці” 18:29 ВЫДВАРЭННЕ. Кейсы Віталя Гузава, Дзмітрыя Сушчыка і Юрыя Касцюка — экстрадыцыйная працэдура не прымянялася 20:26 Вясёлая гісторыя, як чалавек збег падчас выдварэння 21:30 ВЫКРАДАННЕ. Кейсы Аляксандра Фядуты і Юрыя Зянковіча —“Гэта была спецаперацыя ФСБ і КГБ. Як аказалася, ёсць нейкі асобы рэжым вываза людзей…” 23:38 Кейс Генадзь Мажэйка – Беларускі бок заявіў: “Дык ён сам прыехаў”. 26:19 Кейс Аляксандра Капшуля – Забрала “хуткая”, і на гэтым рэзультаты праверкі сканчаюцца… 29:22 Парады Рамана Кісялёва для беларусаў, якія жывуць у Расіі. Галоўная з іх – звяртацца за дапамогай у МХГ: e-mail — [email protected] Падтрымай «Вясну» на Patreon 👉 https://www.patreon.com/spring96 #Беларусь #Подкаст #ВяснаПрыйдзе