На працягу года мы размаўлялі з праваабаронцам “Вясны” Ігарам Казмерчаком, які правёў больш за месяц у Чарнігаве, калі туды зайшлі расійскія войскі. Нашай мэтай было адсачыць, як мяняецца ўспрыняцце чалавекам вайны. Як трансфармуюцца страхі. Як мяняюцца практыка і быт. Як працуе памяць і псіхіка. І галоўнае — як на гэта ўплывае час. Мы размаўлялі з Ігарам тройчы:  адразу пасля таго, як ён пакінуў тэрыторыю Украіны,  праз тры месяцы пасля гэтага,  амаль праз год пасля пачатку паўнамасштабнай вайны. Гэтыя размовы і пачуем у новым выпуску праваабарончага падкаста “Вясна прыйдзе”. Напрыклад, пасля выезду з Украіны Ігар меў трывожны чамаданчык — куды ён паклаў рэчы так, каб іх можна было імгненна забраць. “Дагэтуль чаманданчык стаіць ці не?”, — пытаем у Ігара праз год пасля пачатку паўнамасштабнай вайны. “Зараз толькі з гэтым пытаннем я разумею, што так, сам чамаданык да гэтай пары стаіць, але я пачаў адтуль даставаць рэчы”. А ў фінале выпуску пачуем, як змяніўся адказ Ігара на пытанне “Што такое вайна?” Выпуск падкаста прысвечаны гадавіне паўнамасштабнага ваеннага ўторгнення Расіі на тэрыторыю Украіны — 24 лютага 2022 года. Падтрымайце праваабарончы падкаст “Вясна прыйдзе” на PATREON https://www.patreon.com/spring96 Слухайце падкаст на іншых пляцоўках тут https://podcast.ru/e/7cMrzYGHPQ8 а таксама праз SoundCloud https://soundcloud.com/user-761067396/vajna-geta-pahi-jiak-mianiajecca-chalaviek 00:35 Пра што выпуск 1:20 “Пачаў планаваць бізнэс” Жыцё Ігара ў Чарнігаве да пачатку паўнамасштабнай вайны. 2:53 … а потым наступіла 24 лютага. Страхі, якія захаваліся альбо прайшлі 8:20 асэнсаванне псіхалагічнай дапамогі 9:53 Жарты, і пры чым тут мікрахвалёўка? 12:16 Трывожны чамаданчык і як ён трансфармуецца 15:25 Тое, што па-за межамі бытавых рэчаў. І тое, што “не прапусціць рэдактура” 18:34 Што такое норма? Пераасэнсаванне. І трактар 21:48 Як працуе памяць. Кола часу 24:40 Што такое вайна? Розныя адказы #Беларусь #Украіна #вайна #Подкаст #ВяснаПрыйдзе