«Вясна» і «Палітвязынка» сабралі толькі малую частку таго, што палітзняволеныя перажываюць за кратамі. З нагоды Дня палітвязняў Беларусі мы хочам, каб іх галасы былі пачутыя. 📍Сведчанні былой палітзняволенай пра палітзняволеную праваабаронцу «Вясны» Марфы Рабковай агучвае былая палітвязынка Даша Кароль. 📍Сведчанні былой палітзняволенай па «справе Зельцэра» агучвае праваабаронца «Вясны» Дзіяна Пінчук. 📍Апошнія словы Мікалая Клімовіча перад прысудам, які стаў для яго смяротным, агучвае праваабаронца «Вясны» Андрэй Палуда. Палітвязень Мікалай Клімовіч памёр у віцебскай калоніі 5 траўня. Суддзя прызначыў яму турэмны тэрмін, негледзячы на інваліднасць па сэрцу.