У новым выпуску “Рацыі” Аляксандр Апейкін, грамадскі дзеяч і выканаўчы дырэктар Беларускага фонда спартовай салідарнасці, "расплюшчвае нам вочы" датычна рэальнага парадку справаў у Беларусі. Ці згодныя з меркаваннем Аляксандра Апейкіна? Рэзанансны допіс дзеяча ў сацсетках — ніжэй. Падпіска: https://www.youtube.com/@Racyja_Belarus 00:00 — Уступ. 00:52 — Лукашэнка пасля ўсяго зробленага можа ўвайсці ў гісторыю станоўча? Апейкін: “Давайце разважаць у гістарычных катэгорыях”. 04:17 — Лукашэнка захаваў сякія-такія незалежнасць і суверэнітэт? 06:50 — “У 20-м годзе беларусам навязалі памылковы наратыў, што нас большасць”, — Апейкін. 08:35 — “Гэта палітычная барацьба. Кожны палітык, які б апынуўся на месцы Лукашэнкі ў 90-я гады, рабіў бы прыблізна тое ж самае”, — Апейкін. 09:32 — Ого! Меркаванне Апейкіна датычна інтэграцыі з Расеяй і здачы суверэнітэту. 11:26 — Інтэграцыйныя дамовы з Расеяй былі ў рэчышчы нацыянальных інтарэсаў Беларусі? 12:30 — Лукашэнка навучыў нас дзяржаўнаму мысленню і персанальнай адказнасці? 13:28 — “Беларуская дзяжаўная сістэма функцыянуе эфектыўна, крымінагенны фон нізкі, падчас пратэстаў грамадскі транспарт хадзіў без збояў. Гэта важна”, — Апейкін. 16:16 — “Мэта палітыкі — улада. Ніхто не перашкаджаў дэмсілам у 20-м годзе перацягнуць на свой бок сілавікоў”, — Апейкін. 17:27 — Апейкін пра рэпрэсіі ў Беларусі. 19:03 — Ці будзе вайна. Меркаванне Апейкіна. 21:39 — Як выйшла, што Апейкін пралічыўся ў 2020-м годзе. 25:28 — Апейкін пра рэакцыю грамадства на гвалт пасля выбараў-2020: “Народ беларускі сябе павёў правільна, але людзі не былі падрыхтаваныя”. 25:59 — “Пратэстамі кіравалі хіпстары”. 26:33 — Ці павінен Лукашэнка панесці адказнасць за напад на Украіну? 31:52 — Апейкін параўноўвае палітыку з футболам: “Калі выйшаў гуляць у паўфінале Лігі чэмпіёнаў — будзь гатовы атрымаць па нагах”. 35:55 — Ядзерная зброя зберажэ Беларусь ад вайны? Поўны тэкст рэзананснага допіса Аляксандра Апейкіна ў сацсетках: ВЯРТАННЕ ДА ПАГОНІ. Нягледзячы на сёньняшнюю геапалітычную вакханалію і ўнутраныя непаразуменні, беларускі народ абавязкова вернецца да Пагоні як адзінага дзяржаўнага сімвалу, які бясспрэчна адгукаецца ў сэрцы кожнага, хто нарадзіўся на нашай зямлі. Усе гэтыя БЧБ і КЗ - гэта справа густу. Бясспрэчна і безумоўна толькі Пагоня, бо грукаецца да нас з самага спрадвеку.Часы йдуць, але сэнс Пагоні і яе сімвалічная значнасць не змяняюцца. Дзіцячы страх і здрадніцтва летувісаў, несвядомае непаразуменне братоў украінцаў, п'яны рогат усходняй арды, якая выдае ярлык на княжанне правадыру, тэўтонцы са сваімі планамі для прыніжанай ролі Weißrussland - гэта ўсё стварае перадумовы для вяртання Пагоні як рэакцыю глыбокага народнага архетыпу на нацыянальную пагрозу. Але калі беларусы разам абудзяцца, тады ўжо трымайцеся. Тут не да пытання, хто дзе быў у 20-м годзе. Ужо даўно ўсе плывем у адной лодцы. Мы яшчэ не ведаем, як Аляксандр Лукашэнка ўвойдзе ў нашу гісторыю - станоўча ці адмоўна. Час пакажа. Але ён і ягоная сістэма навучылі нас дзяржаўнаму мысленню, персанальнай адказнасці, стварылі адукаванае пакаленне, здольнае на высокую самаарганізацыю, і пакінулі нам шырокае кола падрыхтаваных кадраў для мясцовага самакіравання. Асмелюся сказаць, што за часы Лукашэнкі народ зрабіў больш, чым ён мог у складаны перыяд перабудовы. Але ў той жа самы час мы атрымалі імунітэт ад касмапалітычных сімвалаў і культуры трэцяга гатунку. КЗ не прыжыўся ў народзе, гэта праўда. Хаця ён і сімвалізуе пераемнасць перамогі беларускага народа над фашызмам у часы Другой сусветнай вайны. Савецкі праект стаў сімвалам толькі вузкай праслойкі кіруючага класу. Пры гэтым беларускае вольнае грамадства магло б з лёгкасцю стварыць аналаг Space X і задаць трэнды сусветнай культуры. Але кіраўніцтвам дзяржавы быў абраны вектар на захаванне малой сістэмы, а не на планетарны прарыў. Усе гэтыя імгненні схаваюцца ў часе, як слёзы ў дажджы. Але ў сэрцы народа застанецца толькі тое, што "не разбіць, не спыніць, не стрымаць". Мы яшчэ ўсе вернемся да Пагоні - і бел-чырвона-белыя, і чырвона-зялёныя. Але гэта ўжо будзе пагроза зусім іншага парадку, чым унутраныя спрэчкі пра выбары, якія і так былі заўжды. #беларусь #крызіс_дэмсілаў