У новым расследаванні беларускіх журналістаў з "Бюро Медыя" раскрываюцца факты таемных паставак прадукцыі кампаніі "Беларуськалій" на акупаваныя Расіяй тэрыторыі Украіны. У 2020 годзе на самаабвешчаныя ДНР і ЛНР была адпраўлена сыравіна на суму 265 тысяч долараў. Нягледзячы на ўведзеныя санкцыі, схема паставак працягнулася пасля пачатку поўнамаштабнай вайны, і ў сакавіку 2022 года "Беларуськалій" зарабіў больш за 63 тысячы долараў на гэтых пастаўках. У эфіры Маланка Медыя журналіст-расследавальнік Аляксандр Ярашэвіч раскажа пра тое, як беларускі рэжым абыходзіць санкцыі і атрымлівае прыбытак ад вайны. Таксама будзе абмяркоўвацца, хто і як зарабляе на канфлікце ва Ўкраіне.