Стратэгічная Антыканферэнцыя "Belarusian ID Revival Days" пройдзе 14-15 верасня ў Варшаве. Мерапрыемства накіравана на аб'яднанне прадстаўнікоў беларускай грамадзянскай, акадэмічнай і культурнай супольнасці, а таксама палітычных сіл і міжнародных партнёраў. Асноўная мэта антыканферэнцыі заключаецца ў забеспячэнні ўмоў для ўстойлівага развіцця беларускай нацыі ва ўмовах інфармацыйнай вайны, рэпрэсій і русіфікацыі. У эфіры Еўрарадыё абмяркоўваюцца актуальныя пытанні ўстойлівага развіцця беларускага грамадства, а таксама рэсурсы, даступныя дзеля захавання і развіцця нацыі ва ўмовах эміграцыі. Удзельнікі гутаркі – Аліна Коўшык, прадстаўнік Аб'яднанага пераходнага кабінета па нацыянальным адраджэнні, і Павел Баркоўскі, кандыдат філасофскіх навук.