У траўні 2024 года Міністэрства адукацыі Беларусі спыніла выдачу даведак для беларускіх абітурыентаў, якія пацвярджаюць сапраўднасць атэстатаў для замежных універсітэтаў. У Польшчы, у адпаведнасці з новымі папраўкамі ў заканадаўстве, беларусы могуць атрымаць пацверджанне аб заканчэнні школы праз працэдуру настрыфікацыі. Аднак для гэтага неабходна вяртацца ў Беларусь для атрымання сертыфіката здачы цэнтралізаванага тэставання, што з'яўляецца рызыкоўным для многіх. Большасць польскіх універсітэтаў гатовыя чакаць вырашэння праблем з дакументамі, але не ўсе. У эфіры Еўрарадыё студэнцкі актывіст Мікіта Паўленка і актывіст моладзевай арганізацыі “Ліхтар” Максім Залацько абмяркоўваюць праблемы, з якімі сутыкаюцца беларускія студэнты за мяжой, і прапануюць магчымыя шляхі іх вырашэння.