8 жніўня "Белсат" прадстаўляе кароткі агляд навінаў. 7 жніўня Узброеныя Сілы Украіны прасунуліся ўглыб Курскай вобласці Расеі, дзе паранены расейскі прапагандыст Паддубны. Расейскі апазіцыянер Ілля Яшын, вызвалены ў выніку абмену вязнямі, выказаў меркаванне, што беларускія палітвязні павінны былі стаць удзельнікамі гэтага абмену. Фонд Талая зноў прывёз у Беларусь дзяцей з акупаваных тэрыторый Украіны. Таксама адзначаецца, што колькасць дзіцячых суіцыдаў у Беларусі павялічылася ўдвая. У Беларусі створаны штаб для барацьбы з афрыканскай чумою свінняў. Менскія ўлады будуць кампенсаваць праяздныя чальцам сем'яў ахвяраў трагедыі на станцыі "Няміга" і тэракту на станцыі "Кастрычніцкая". З пачатку купальнага сезону ў Беларусі патанулі 187 чалавек.