21 ліпеня ў Варшаве адбыўся мітынг, у якім прынялі ўдзел прадстаўнікі народаў, паняволеных расейскай імпэрыяй, у тым ліку беларусы, бураты, чаркесы, чачэнцы і татары. Лідэр Нацыянальна-Вызвольнага Руху "Вольная Беларусь" Зянон Пазьняк выступіў ад імя беларусаў. Мітынг быў часткай акцый, якія праводзяцца кожны трэці тыдзень ліпеня ў дэмакратычных краінах на падтрымку народаў, якія церпяць ад каланіяльнай палітыкі. Тыдзень зьняволеных народаў адзначаецца з 1953 года. Арганізатарамі мітынгу выступіла суполка "Акцыі беларусаў Варшавы".