Словы Ганада Чарказяна Пераклад з курдскай Рыгора Барадуліна Музыка Алеся Камоцкага Адыходзім абіваць парогі, Ды ніяк адсюль не адысці. Тут сыходзяцца ўсе дарогі, Пачынаючыся ў тым жыцці. Мы наведваем азяблы смутак, Мы ля пограбаў нямых маўчым. Тлум зямлі адпрэчыўшы ў закутак, Мёртвым памагчы не маем чым. Прыпеў. Горкай чаркай, свечкаю слязлівай Памінаем тых, што з намі тут Горбіліся над жыццёвай нівай, Неўзнак устарэлі ад пакут. Прыпеў. Адыходзім з мірам а ці гнеўна. Хто раней пайшоў у служкі злу, Той раней і вернецца, напэўна, У новую світальную імглу. Прыпеў. (2)