Янка Купала: "Спадчына". На памяць. Аўдыякніга з тэкстам. Літаратура "Беларуская". 8 клас. Літаратура - YouTube. Янка Купала: "Наследие". На память. Аудиокнига с текстом. Белорусская литература. 8 класс. Тэкст: “Янка Купала. Спадчына Ад прадзедаў спакон вякоў Мне засталася спадчына; Паміж сваіх і чужакоў Яна мне ласкай матчынай. Аб ёй мне баюць казкі-сны Вясеньнія праталіны, І лесу шэлест верасны, І ў полі дуб апалены. Аб ёй мне будзіць успамін На ліпе бусел клёкатам І той стары амшалы тын, Што лёг ля вёсак покатам; І тое нуднае ягнят Бляяньне-зоў на пасьбішчы, І крык вароніных грамад На могілкавым кладзьбішчы. І ў белы дзень, і ў чорну ноч Я ўсьцяж раблю агледзіны. Ці гэты скарб ня збрыў дзе проч, Ці трутнем ён ня зьедзены. Нашу яго ў жывой душы, Як вечны сьветач-полымя, Што сярод цемры і глушы Мне сьвеціць між вандоламі. Жыве зь ім дум маіх сям'я І сьніць зь ім сны нязводныя... Завецца-ж спадчына мая Ўсяго СТАРОНКАЙ РОДНАЮ. 19/09-18г.” Краязнаўчы калейдаскоп. Адказы на крыжаванку: 1. На ўсёй прасторы, ва ўсіх напрамках; скрозь – “УСЦЯЖ” 2. Адзін каля аднаго, без асобага парадку (ляжаць, спаць і г.д.) – “ПОКАТАМ” 3. Тое, што мае асабліва вялікую вартасць; матэрыяльныя (багацце, маёмасць), духоўныя ці культурныя каштоўнасці – “СКАРБ” 4. Равы, канавы; перашкоды – “ВАНДОЛЫ” 5. Тое, што з’яўляецца носьбітам праўды, свабоды, культуры і г.д. – “СВЕТЫЧ” 6. Агароджа з папярочных або вертыкальных жэрдак, пераплеценых прутамі лазы, галлём; суцэльная агароджа з убітых у зямлю жэрдак, плашак – “ТЫН” 7. Той, хто не працуе, а жыве за кошт працы іншых; гультай – “ТРУЦЕНЬ” 8. Творы вуснай творчасці беларускага народа – “КАЗКІ”. Галоўнае слова ў вертыкалным слупку – “СПАДЧЫНА” – “маёмасць, гаспадарка, якая пасля смерці ўладальніка пераходзіць у чыю-небудзь уласнасць; з’явы культурнага жыцця, быту, якія ўспрыняты ад папярэдніх дзеячаў, ад мінулых часоў”. 22 снежня 2020 года Мікола Кійка