Галоўнай навіной тыдня на Маланцы стала падрыхтоўка Лукашэнкі да прэзідэнцкай кампаніі-2025. Кіраўнік ЦВК Карпенка заявіў аб павышанай цікавасці да запланаваных выбараў у Беларусі ў многіх краін Афрыкі, Азіі і нават Еўропы, згадаў унікальную выбарчую сістэму, якая адкрыта для міжнародных назіральнікаў, і анансаваў магчымасць анлайн-галасавання. Анлайн-фармат нярвуе беларускіх чыноўнікаў з-за выбараў у Каардынацыйную раду. Любое свабоднае волевыяўленне людзей як у Беларусі, так і за яе межамі, вельмі балюча ўспрымаецца так званымі ўладамі. Але на гэты раз выбары ў Еўрапарламент, наадварот, натхнілі чыноўнікаў колькасцю "правых" палітыкаў, якія трапілі туды. Рост папулярнасці правай ідэалогіі ў Еўропе можа ў перспектыве негатыўна адаб'ецца на беларускім парадку дня, зменшыць увагу да парушэння правоў чалавека і праблем палітвязняў у Беларусі. Гэтую тэму ўздымае фільм “Фабрыка несвабоды” ад “Сумленных людзей”, які выйшаў на гэтым тыдні.