Судовыя выканаўцы ў Мазыры ўварваліся на вяселле і забралі падораныя грошы, у Браслаўскім раёне сельгаспрадпрыемства не выплачвала зарплату работнікам, а ў Лідскім раёне сабака напаў на пажылую гаспадыню. У Жлобіне дзіця пацярпела ў закінутым будынку, а маланка знішчыла электрапрыборы і кампутары ў папраўчай калоніі "Ваўчыныя норы". На Брэстчыне выяўлены выпадкі выдачы даведак аб прыдатнасці да кіравання аўтамабілямі хворым людзям, а браканьеры ў Полацкім раёне нарыбачылі на 85 тысяч рублёў. Дзяржаўныя сайты Гомельскай вобласці перасталі адкрывацца за мяжой.