Навіны Выбарчай камісіі: Рэгламент, пратакол, першыя спісы На сайце КР апублікаваны Рэгламент і пратакол паседжання ВК ад 12 красавіка. На ім сябры ВК абралі Алену Прыходзька ў якасці Старшыні Выбарчай камісіі і абмяркавалі пытанні бяспекі асабістых дадзеных падчас галасавання. На дадзены момант да ВК паступілі 3 спіса ад выбарчых суб’ектаў і іх лідараў: — спіс «Салідарнасць» ад аб’яднання палітычных партыі «Народная грамада» і Беларускіх хрысціянскіх дэмакратаў «Салідарнасць», лідар Георгій Дмітрук — спіс «Закон і правапарадак» ад былых супрацоўнікаў сілавых ведамств, лідар Аляксандр Азараў — спіс «Незалежныя беларусы», лідар Максім Шабуцкі. ВК працягвае прымаць спісы для ўдзелу ў выбарах. Уся інфармацыя пра тое, як лідару або лідарцы выбарчага суб'екта падаць спіс у ВК, размешчана на сайце КР. Выбары ў КР пачнуцца 25 мая і працягнуцца 3 дні — да 23:59 27 мая. Пытанні наконт выбараў пішыце на электронную пошту [email protected] #Беларусь #Выбары #КаардынацыйнаяРада