Закрыццё Беларуссю межаў з Польшчай, Літвой, Латвіяй і Украінай, калі часова нават беларусаў не пускалі на радзіму, шакавала не толькі грамадзян Беларусі, але і ўсіх нашых суседзяў. Праўда, праз пэўны час сваіх грамадзян беларускія памежнікі пачалі прапускаць. Нават некаторым замежнікам пашчасціла трапіць у Сінявокую. Але канчаткова “замок” з мяжы беларускія ўлады так і не знялі. Што сапраўды стала нагодай для закрыцця межаў і якія мэты пераследавалі беларускія ўлады? Прызначэнне сілавікоў памочнікамі Лукашэнкі і сітуацыя з закрыццём мяжы — прыкметы надзвычайнага становішча? Ці засталася ў Беларусі знешняя палітыка? Разважае палітолаг, кіраўнік праграмы “Знешняя палітыка Беларусі” Савета па міжнародных адносінах “Мінскі дыялог” Дзяніс Мельянцоў.