Студэнцкія акцыя пратэсту не спыняюцца, нягледзячы на адлічэнні, “тлумачальныя размовы” ды іншыя рэпрэсіі. Што праўда, яшчэ ёсць ВНУ, дзе нікога за ўдзел у акцыях пратэсту не пакаралі адлічэннем. Пры гэтым кіраўніцтва ніводнай ВНУ ці іншай навучальнай установы не выступіла з заявай, у якой асудзіла б той гвалт, які здзяйсняецца ў дачыненні да іх студэнтаў і выкладчыкаў. А гэта азначае, што навучальныя ўстановы сваім маўчаннем гвалт… апраўдваюць. Ці сапраўды маўчанне выкладчыкаў і адміністрацыі ВНУ адносна гвалту апраўдвае яго? Да чаго гэта можа прывесці? Разважае выкладчыца факультэта філасофіі і сацыяльных навук БДУ, кандыдат псіхалагічных навук, дацэнт Таццяна Сініца.