За тры месяцы пратэстаў звыш 20 тысяч чалавек былі пакараныя адміністрацыйным арыштам альбо штрафам. 121 чалавек быў прызнаны праваабаронцамі палітвязнямі. Дакладнай лічбы збітых і звольненых па палітычных матывах дагэтуль няма. Генпракуратура накіравала ў суд звыш 100 крымінальных спраў, звязаных з "масавымі беспарадкамі", удзелам у "несанкцыянаваных мерапрыемствах", гвалтам ці пагрозай гвалту ў дачыненні да супрацоўнікаў міліцыі. Ці атрымаецца пераследамі і звальненнямі збіць пратэставыя настроі? Ці будуць пратэсты пераходзіць у новыя формы пад ціскам сілавікоў? Страцілі ІТ — наступная медыцына? Разважае палітычны аглядальнік Аляксандр Фядута.