Увесь свет захапляецца як беларусамі, якія нечакана нават для саміх сябе, нягледзячы на рэпрэсіі, пратэстуюць ужо 100 дзён, так і мірнасцю беларускіх пратэстаў. За ўвесь час у Мінску была разбітая толькі адна вітрына — і тая не пратэстоўцамі, а кіраўніком адной з сілавых структур. Іншая рэч, што відавочных вынікаў ад гэтых працяглых пратэстаў няма. Так ёсць вынікі ці іх сапраўды няма? Ці маюць рацыю тыя, хто сцвярджае, што за гэтыя 100 дзён беларуская нацыя нарэшце “дафармавалася”? Ці атрымаецца ва ўлады згасіць пратэсты і “расфармаваць” нацыю? Разважае прафесар-псіхолаг Уладзімір Янчук.