Блізу 30 тысяч чалавек былі пакараныя штрафамі ці суткамі на працягу апошніх трох з паловай месяцаў. Без прысуду не застаўся ні адзін затрыманы, нават калі ён ні ў якіх акцыяй удзелу не браў, а патрапіў у аўтазак выпадкова. І гэта без уліку 126 зняволеных, якіх праваабаронцы прызналі палітвязнямі. Пра тое, як сябе паводзяць так званыя сілавікі на вуліцах і “неабыякавыя грамадзяне” ў дварах нашых дамоў, нават успамінаць не хочацца. Чаму юрысты сцвярджаюць, што ў Беларусі зараз дэфолт права, і што гэта азначае? У чым прычына такой сітуацыі і што можна зрабіць для выхаду з яе? Ці рэальна адвакату ў судзе адстаяць падабароннага? Разважае юрыст — адвакат Міхаіл Кірылюк.