Сітуацыю, калі ў краіне не працуюць законы, а розныя прэзідэнцкія дэкрэты і ўказы маюць больш сілы за Канстытуцыю, юрысты называюць прававым дэфолтам. Менавіта такая сітуацыя, кажуць яны, цяпер у Беларусі. А ў такім разе навошта нам як ініцыяваная ўладамі “канстытуцыйная рэформа”, так і вывучэнне канстытуцыйных прынцыпаў беларусамі? Ці ёсць сёння ў беларускім грамадстве патрэба ў якіх-небудзь навучальных курсах на гэту тэму? Што ім рабіць з атрыманымі ведамі ў краіне прававога дэфолту? Адказвае юрыст, а таксама былы шэф-рэдактар часопіса “Юрист” Максім Палавінка.