З тым, што канстытуцыйная рэформа неабходная, згодныя як улада, якая працэс той нібыта рэформы запусціла, так і апаненты існуючай улады. Вось толькі бачанне таго, як гэта рэформа павінна адбывацца і з чаго яе неабходна пачынаць, у бакоў рознае. Ці гатовая ўлада да сапраўднага дыялогу наконт канстытуцыйнай рэформы? Ці можна пачынаць абмеркаванне магчымых змен у Канстытуцыю, калі за кратамі 143 палітвязні, а ў дачыненні да грамадзянскай супольнасці ўжываюцца рэпрэсіі? Як мусіць быць змененая Канстытуцыя з пункту гледжання незалежных юрыстаў і правазнаўцаў? Адказвае правазнаўца і былы кіраўнік юрыдычнай службы штаба Валерыя Цапкалы Сяргей Гасаян.