Выбарчая кампанія, а потым і пратэсты ў Беларусі сталі заўважнай тэмай у пракрамлёўскіх прапагандысцкіх медыя. Да такой ступені заўважнай, што медыяэксперты вымушаныя былі стварыць адмысловы сайт, які ўяўляе сабой базу звестак прапагандысцкіх матэрыялаў, якія альбо тычацца непасрэдна Беларусі, альбо скіраваныя на беларускую аўдыторыю. Наколькі на самай справе вялікая цікаўнасць расійскіх і прарасійскіх медыя да беларускай тэмы? Як падаецца ў гэтых медыя “беларуская тэма” і ці сапраўды там шмат фэйкавай інфармацыі? Якая задача ў створанага экспертамі сайта FAKEBY? Адказвае кіраўнік Маніторынгавай групы iSANS і дырэктар аналітычнага цэнтра EAST Андрэй Елісееў.